مِساحَتي

  بسم الله الرحمن الرحيم ..  هتكلم عن موضوع مهم جدا أتمنى الكل يقرأه سواء مهتم بيه أو لا، سواء يشوف إنه يعنيه أو لا، وهو موضوع التسليم وليه هو النتيجة الوحيدة المنطقية لإعمال العقل، هتكلم بتأصيل من البداية كإني بكلم ملحد، وفقنا الله لما يرضى هتكلم عن ليه بنؤمن بإنه فيه إله ليه نؤمن بإنه الإله أرسل رسل ليه نؤمن بإن الإسلام هو دينه الحق ليه التفكير والعقل بيقود بالضرورة للتسليم ليه بنؤمن إن فيه إله؟ نفس ما انتم عارفين ومعندكمش ذرة شك إن فيه شخص (أنا) عنده فكرة وإرادة إنه يوصل الفكرة دي وقدرة على إنه يكتب الثريد دا  (كتبته ع أساس انه ثريد في تويتر)  بيكتب الثريد دا، هل ممكن يكون الثريد دا كتب نفسه؟ أو موجود كدا بدون كاتب؟ أو كتبه شخص مش عاقل أو معندهوش الفكرة اللي الثريد بيتكلم عنها؟  ‏أو إن اللي كتبه مكنش مُريد قاصد انه يكتبه كان جاي ياكل مثلا لقى نفسه كاتب ثريد؟ أو أعمى أو مشلول أو غيره مما يمنعه إنه يكون مقتدر على كتابته؟   لكل حادث مُحدِث والأثر يدل على المؤثر دي ضروريات عقلية، وإن المحدث لازم يكون عنده القدرة لإحداث الحادث دا فمش منطقي أ...